Top News

मुख्यमंत्र्यांनी केली महाराष्ट्र भूषण पुरस्काराची घोषणा Maharashtra Bhushan 2022

ज्येष्ठ समाजसेवक आणि निरूपणकार आप्पासाहेब धर्माधिकारी ( Appasaheb Dharmadhikari ) यांना महाराष्ट्र भूषण ( Maharashtra Bhushan )  पुरस्कार जा...

ads

रविवार, जानेवारी ०८, २०२३

अनाथ चिमुकल्या अंकूशला मिळाले आई-वडील Central Adoption Resource Authority) CARINGs

अनाथ चिमुकल्या अंकूशला मिळाले आई-वडील Central Adoption Resource Authority) CARINGs

Ø जिल्हाधिका-यांकडून जिल्ह्यात पहिला दत्तक आदेश पारीत

चंद्रपूर Chandrapur : बाल न्याय (मुलांची काळजी व संरक्षण) अधिनियम 2015 नुसार अनाथ, सोडून दिलेले व परित्यागीत बालकांचे दत्तक आदेश तसेच नात्यांतर्गत दत्तक व सावत्र दत्तक करण्याकरीता दत्तक नियमावली 2022 तयार करण्यात आली आहे. त्यानुसार सदर आदेश पारीत करण्याची जबाबदारी आता जिल्हाधिका-यांना देण्यात आली असून जिल्हाधिकारी विनय गौडा जी.सी. यांनी शुक्रवारी जिल्ह्यातील पहिला दत्तक आदेश परित केल्याने चिमुकल्याला आई – वडील मिळाले आहे.

यापूर्वी सदर दत्तक आदेश न्यायालयामार्फत केले जात होते. आता मात्र ही जबाबदारी जिल्हाधिका-यांवर सोपविण्यात आली आहे. त्यानुसार या प्रकरणाची सुनावणी करून इच्छुक पालक गिरीश गोविंदराव रणदिवे आणि भावना गिरीश रणदिवे यांच्याकडे दत्तक बालक अंकूशला देण्याबाबतचे आदेश जिल्हाधिका-यांनी पारीत केले आहे. या दत्तक आदेशानुसार गिरीश आणि भावना रणदिवे हे अंकूशचे आई-वडील झाले आहेत. या आदेशानुसार इतर बालकांप्रमाणेच अंकूशला पूर्ण अधिकार मिळाला आहे.

सदर आदेश पारित करण्याकरीता जिल्हा महिला व बालविकास अधिकारी दीपक बानाईत, जिल्हा परिविक्षा अधिकारी महेश हजारे यांच्या मार्गदर्शनाखाली जिल्हा बाल संरक्षण अधिकारी अजय साखरकर, विधी तथा परिविक्षा अधिकारी सचिंद्र नाईक, किलबिल दत्तक संस्थेचे हेमंत कोठारे यांनी अर्ज प्रक्रिया पूर्ण केली.

बालकल्याण समिती चंद्रपूर यांच्या आदेशान्वये किलबील दत्तक संस्था येथे अनाथ, सोडून दिलेले व परित्यागीत बालकांना दाखल करण्यात येते. CARA (Central Adoption Resource Authority) CARINGs cara.nic.in या संकेतस्थळावर दत्तक इच्छुक पालक नोंदणी करून ‘कारा’ ने दाखविलेले मुल किंवा मुलीला पालकांनी राखीव केल्यानंतर दत्तक समितीद्वारे पालकांची मुलाखत घेऊन दत्तक आदेश करीता जिल्हाधिका-यांकडे अर्ज करण्यात येते.

Chandrapur | Balkalyan Samiti | Kilbil | 

लोक हेदेखील ‍व‍िचारतात

SHARE THIS

Author:

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडियात विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.