बुधवार, नोव्हेंबर २३, २०२२

डिजिटल मीडिया पत्रकारानी जाणून घेतल्या कायद्याच्या आणि फायद्याच्या गोष्टी | Digital Media Adhiveshan


डिजिटल मीडिया पब्लिशर आणि न्यूज पोर्टल ग्रीव्हन्सेस कौन्सिल ऑफ इंडिया (digital media publishers & news portal grievance council of india- SRB) आणि डिजिटल मीडिया असोसिएशन यांच्या संयुक्त विद्यमाने आयोजित दोन दिवसीय अधिवेशनात चंद्रपूर आणि गडचिरोली जिल्ह्यातील 50 हून अधिक डिजिटल मीडिया पत्रकारांनी स्वयं-नियमन करण्याच्या दिशेने एक अग्रगण्य पाऊल पुढे टाकले.


डिजिटल मीडिया पब्लिशर्स आणि न्यूज पोर्टल ग्रीव्हन्सेस कौन्सिल ऑफ इंडिया (DMPNPGCI) चे अध्यक्ष ज्येष्ठ वकील फिरदोस मिर्झा उद्घाटन समारंभाच्या अध्यक्षस्थानी होते.

आपल्या भाषणात अॅड. मिर्झा यांनी भारतातील पत्रकारितेच्या इतिहासाचा मागोवा घेत सांगितले की, बातम्यांनी केवळ कच्ची माहिती देऊ नये तर ज्ञानही दिले पाहिजे. ते म्हणाले की, डिजिटल मीडिया हा विविध विषयांवर त्वरित माहिती मिळविण्याच्या लोकांच्या भूकेचा परिणाम आहे, परंतु पत्रकारांनी ग्राहकांच्या मागण्या पूर्ण करताना त्यांच्या स्त्रोतांची सत्यता सुनिश्चित केली पाहिजे. पत्रकारांना बदनामी किंवा खंडणीच्या प्रकरणांना सामोरे जावे लागलेल्या प्रकरणांबाबत त्यांनी आपला अनुभव सांगितला. त्यांनी असा सल्ला दिला की जर खरी चूक असेल तर प्रामाणिकपणे माफी मागावी. त्यामुळे काही नुकसान होत नाही. पण जर एखाद्या पत्रकाराला विनाकारण त्रास दिला गेला तर डिजिटल मीडिया पब्लिशर्स आणि न्यूज पोर्टल ग्रीव्हन्सेस कौन्सिल ऑफ इंडिया सारख्या संस्था लवादासाठी एक व्यासपीठ उपलब्ध करून देतील.

यावेळी मुंबई विद्यापीठाचे माध्यम व्याख्याते राममोहन खानापूरकर उपस्थित होते. ते शिक्षण तज्ञ असून, सध्या बर्मिंगहॅम विद्यापीठ, यूके येथून पीएच.डी करत आहेत. यांनी इंग्लंडमधील माध्यमांबद्दलचे त्यांचे अनुभव आणि त्या देशातील समकालीन सामाजिक-राजकीय परिस्थितीबद्दल काही अंतर्दृष्टी सांगितली. 

19 आणि 20 नोव्हेंबर रोजी चंद्रपूर जिल्ह्यातल्या मूल तालुक्यातील चितेगाव येथील एल्गार प्रतिष्ठानच्या प्रांगणात दोन दिवसीय निवासी संमेलनाचे आयोजन करण्यात आले होते.


नागपूर उच्च न्यायालयाचे वकीलअ‍ॅड. आनंद देशपांडे, अॅड. फरहत बेग, डॉ.कल्याण कुमार, सामाजिक कार्यकर्त्या पारोमिता गोस्वामी, डिजिटल मीडिया असोसिएशनचे अध्यक्ष जितेंद्र चोरडिया, ज्येष्ठ पत्रकार रोहिदास राऊत आदी मान्यवर उपस्थित होते.

श्री.जितेंद्र चोरडिया यांनी प्रास्ताविक करून संमेलनाची माहिती दिली. त्यानंतर झालेल्या सत्रात ज्येष्ठ पत्रकार आनंद आंबेकर, अॅड. फरहत बेग, ज्येष्ठ वकील, झी २४ Taas चे आशिष अंबाडे आणि ETV चे अमित वेल्हेकर पत्रकारितेच्या अनेक तज्ञांनी विविध विषयांवर सहभागींना मार्गदर्शन केले. 

डिजिटल मीडियावर श्री. देवनाथ गंडाटे यांनी मार्गदर्शन केले.  यावेळी न्यूजपोर्टल नोंदणी कशी आणि कुठे करावी, यावर कार्यशाळेत माहिती देण्यात आली. यावेळी न्यूजपोर्टल नोंदणी कशी आणि कुठे करावी, यावर कार्यशाळेत माहिती देण्यात आली.  सोशल मीडिया आणि डिजिटल मीडियातील फरक,  वेबसाईट म्हणजे काय?, बिटनिहाय ऑनलाईन पत्रकारितेचे फायदे, की- वर्ड आणि ऑनलाईन ट्राफिक, ऑनलाईन उत्पन्नाचे स्रोत, डिजिटल मीडियातील संधी यावर सविस्तर समजावून सांगण्यात आले. 



SHARE THIS

Author:

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडियात विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.