खासदार, आमदार दाम्पत्यांच्या हस्ते मोहबाळा - नायदेव रस्त्याचे लोकार्पण - KhabarBat™ | Breaking News in Marathi

Breaking

KhabarBat™ | Breaking News in Marathi

२००९ पासून वाचकांच्या सेवेत | Latest Marathi News | Breaking News in Marathi |

मंगळवार, मार्च ०१, २०२२

खासदार, आमदार दाम्पत्यांच्या हस्ते मोहबाळा - नायदेव रस्त्याचे लोकार्पण


*नुकसानग्रस्त शेतकऱ्यांना खासदार, आमदार दाम्पत्यांच्या हस्ते धनादेशाचे वितरण


शिरीष उगे (वरोरा प्रतिनिधी)
वरोरा: वरोरा तालुक्यातील शेतकऱ्यांना व येथील नागरिकांना कोणत्याच प्रकारे त्रास होणार नाही, त्यासाठी प्रशासनाने तत्पर राहून काम करण्याची आग्रही भावना आमदार प्रतिभाताई धानोरकर व खासदार बाळूभाऊ धानोरकर यांची असते. मोहबाळा ते नायदेव या मार्गावर कोळसा वाहतूक मोठ्या प्रमाणात करण्यात येते. त्यामुळे या भागातील शेतीचे धुळीमुळे नुकसान होत असल्याच्या तक्रारी प्राप्त होताच, पाठपुरावा करून या रस्त्याचे काम पूर्ण करण्यात आले. त्यासोबतच नुकसानग्रस्त शेतकऱ्यांना देखील मोबदला देण्यात आला.

यावेळी खासदार बाळूभाऊ धानोरकर व आमदार प्रतिभाताई धानोरकर यांच्या हस्ते मोहबाळा - नायदेव रस्त्याचे लोकार्पण करण्यात आले. याप्रसंगी साई वर्धा पॉवर जनरेशन प्रायवेट लिमिटेड चे अधिकारी माटे, सरपंच नंदू टेमुर्डे तसेच सदस्य व ग्रामस्थांची उपस्थिती होती.

त्यासोबतच या रस्त्यातून कोळसा वाहतूक मोठ्या प्रमाणात करण्यात येते. यामुळे अनेक शेतकऱ्यांचे शेतपिकांचे नुकसान झाले. त्या शेतकऱ्यांना उपविभागीय अधिकारी यांच्या दालनात खासदार बाळूभाऊ धानोरकर, आमदार प्रतीभाताई धानोरकर यांच्या हस्ते धनादेशाचे वितरण करण्यात आले. यावेळी उपविभागीय अधिकारी शिंदे, तहसीलदार मकवानी यांची उपस्थिती होती.