२५ लाख रुपये देण्याचा शब्द न पाळल्याने नऊ सरपंच व तीन उपसरपंचांनी दिला राजीनामा | - KhabarBat™

Breaking

KhabarBat™

२००९ पासून वाचकांच्या सेवेत



०३ डिसेंबर २०२१

२५ लाख रुपये देण्याचा शब्द न पाळल्याने नऊ सरपंच व तीन उपसरपंचांनी दिला राजीनामा |

२५ लाख रुपये देण्याचा शब्द न पाळल्याने नऊ सरपंच व तीन उपसरपंचांनी दिला राजीनामा 



चंद्रपूर (chandrapur)-  प्रत्येक ग्रामपंचायतीला २५ लाख रुपये देण्याचा शब्द न पाळल्याने ब्रम्हपुरी (Bramhapuri) तालुक्यातील नऊ सरपंच व तीन उपसरपंचांनी सदस्यत्वाचा सामूहिक राजीनामा ( resigned) दिला आहे. ऐन जिल्हा परिषद व पंचायत समिती निवडणुकांच्या तोंडावर या राजीनाम्यांनी उलटसुलट चर्चा सुरू झाली आहे. 


मागील सात-आठ वर्षांपासून तालुक्यात काँग्रेसची पकड मजबूत झाली आहे. प्रत्येक ग्रामपंचायत पातळीवर काँग्रेसचे कार्यकर्ते मोठ्या प्रमाणात आहेत. चिमूर तालुक्यात काही गावांचा समावेश करण्यात आला आहे. ग्रामपंचायत निवडणुकीवेळी पालकमंत्र्यांनी प्रत्येक ग्रामपंचायतीला विकासकामांकरिता २५ लाख रुपये देणार असल्याचे सांगितले होते. मात्र, अद्यापही ही रक्कम मिळालेली नाही. तसेच काँग्रेस कमिटीकडून कोणतीही कामे होत नाहीत, असा आरोप करत तालुकाध्यक्ष तिडके यांच्याकडे सरपंच, उपसरपंच यांनी सदस्यत्वाचा राजीनामा दिला आहे. यात संजय राऊत तोरगव बु, राकेश पिलारे कलेता, शरद अलोणे तोरागाव खु., सुधीर पिलारे बेलागाव, प्रवीण बांडे नांदगाव, सुरेश दुनेदार पिंपळगाव, राजू नान्हे काहाली, अर्चना डेंगे खंडाळा, प्रेमानंद गेडाम सोनेगाव या सरपंचांसह नरेश राऊत कालेता, नंदकिशोर रखडे खंडाळा या उपसरपंचांचा समावेश आहे. 



Nine sarpanches and three deputy sarpanches resigned for not keeping their word of Rs 25 lakh