Top News

शासकीय औद्योगिक प्रशिक्षण संस्थेत अल्पसंख्यांक समाजातील युवक युवतींसाठी अल्पमुदतीचे अभ्यासक्रम

    चंद्रपूर (प्रतिनिधी)-     शासकीय औद्योगिक प्रशिक्षण संस्था चंद्रपूर येथे अल्पसंख्यांक समाजातील शिख, ख्रिश्चन, जैन, मुस्लिम, नवबौद्ध युव...

ads

रविवार, डिसेंबर १२, २०२१

लेण्याद्री येथे भाविकांसाठी अन्नछत्र सुरू |



जुन्नर /आनंद कांबळे 

अष्टविनायकांपैकी एक असलेल्या श्री क्षेत्र लेण्याद्री देवस्थान येथे भाविकांसाठी अल्पदरात महाप्रसादाची सुरुवात आज ह.भ.प आत्माराम महाराज बटवाल यांच्या शुभहस्ते करण्यात आली.

गेली दोन वर्ष कोरोना महामारी आणि लॉक-डाऊन असल्यामुळे देवस्थानचे अन्नछत्र बंद होते. परंतु आता पुन्हा शासनाने मंदिरे आणि धार्मिक स्थळे भाविकांसाठी खुली केल्यामुळे पुन्हा एकदा आज श्री लेण्याद्री गणपती देवस्थान ट्रस्टचे विश्वस्त मंडळाने भाविकांसाठी अल्पदरात पोटभर जेवण हा उपक्रम सुरू केला आहे.  सकाळी ११:०० ते दुपारी २:०० व संध्याकाळी त्७:०० ते १०:०० या वेळेत भाविकांनी महाप्रसादाचा लाभ घ्यावा असे आवाहन देवस्थानचे अध्यक्ष सदाशिव ताम्हाणे व सेक्रेटरी जितेंद्र बिडवई यांनी केले .  याबद्दल अनेक भाविकांनी समाधान व्यक्त केले.

 यावेळी ह.भ.प. आत्माराम महाराज बटवाल, सयाजी भगत, देवस्थानचे अध्यक्ष सदाशिव ताम्हाणे, उपाध्यक्ष संजय ढेकणे, सचिव जितेंद्र बिडवई, खजिनदार काशिनाथ लोखंडे, विश्वस्त शंकर ताम्हाणे, गोविंद मेहेर, जयवंत डोके, भगवान हांडे, रोहिदास बिडवई, तसेच भाविक व ग्रामस्थ मोठ्या संख्येने उपस्थित होते.


SHARE THIS

Author:

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडियात विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.