श्री शिवछत्रपती महाविद्यालयात राज्यव्यापी मतदार नोंदणी शिबिर | - KhabarBat™

Breaking

KhabarBat™

२००९ पासून वाचकांच्या सेवेत



१८ नोव्हेंबर २०२१

श्री शिवछत्रपती महाविद्यालयात राज्यव्यापी मतदार नोंदणी शिबिर |

श्री शिवछत्रपती महाविद्यालयात राज्यव्यापी मतदार नोंदणी शिबिर

जुन्नर /वार्ताहर           

     जुन्नर येथील श्री शिवछत्रपती महाविद्यालयात राज्य व्यापी मतदार नोंदणी शिबिराचे आयोजन करण्यात आल्याचे महाविद्यालयाचे प्राचार्य डॉ. चंद्रकांत मंडलिक यांनी सांगितले. 

     श्री शिवछत्रपती महाविद्यालय  जुन्नर व जुन्नर तहसील कार्यालय यांच्या संयुक्त विद्यमाने राज्यस्तरीय मतदार नोंदणी शिबिराचे विद्यार्थ्यांसाठी आयोजन करण्यात आले. या कार्यक्रमाच्या प्रसंगी जुन्नर तालुक्याचे तहसीलदार  सबनीस  प्रमुख पाहुणे म्हणून उपस्थित होते. याप्रसंगी कार्यक्रमाची प्रस्तावना करताना प्राचार्य डॉ. चंद्रकांत मंडलिक यांनी विद्यार्थ्यांना मतदानाचा हक्क बजावण्यासाठी मतदार यादी आपले नाव नोंदविणे आवश्यक असल्याचे सांगितले. भारताची लोकशाही बळकट करण्यासाठी युवा पिढीने पुढे येणे गरजेचे आहे असे सांगितले. मा.तहसीलदार सबनीस यांनी मतदानाचे महत्त्व स्पष्ट करताना सांगितले की ग्रामपंचायत, नगरपरिषद, महानगरपालिका, पंचायत समिती, विधानसभा व लोकसभा इत्यादी ठिकाणी जनतेतून लोक प्रतिनिधी निवडले जातात. त्यांच्या हातून समाज विकासाचे कार्य घडत असते. लोकप्रतिनिधी निवडण्याचा सर्वस्वी अधिकार हा जनतेला आहे. तरुण पिढीने आपल्या हक्का बरोबरच कर्तव्याची देखील जाणीव ठेव्हावी. मतदानाचे महत्व विशद करताना त्यांनी जीवनातील अत्यंत महत्वाची उदाहरणे विद्यार्थ्यांना सांगितली. सायन्स विभाग प्रमुख डॉ. शेलार यांनी पाहुण्यांचे स्वागत व  प्राचार्य  मंडलिक यांनी  आभार मानले.