Top News

Civil20 India Inception Meet starts at Nagpur

  The future belongs not to single entities but to those who cooperate and mingle and everyone must obey the universal law of inclusion: Cha...

ads

बुधवार, ऑक्टोबर २०, २०२१

धक्कादायक! दरोडेखोरांचा शेतवस्तीवर हल्ला;दोन महिलांवर सामुहिक बलात्कार


औरंगाबाद- जिल्ह्यातील पैठण तालुक्यातील तोंडाळी गावातील शेतवस्तीवर बुधवारी मध्यरात्रीतून दरोडेखोरांनी धुमाकूळ घातल्याची धक्कादायक घटना घडली आहे . दरोडेखोरांनी या वस्तीची नुसती लूटच केली नाही तर दोन महिलांवर बलात्कार केल्याचीही माहिती समोर आली आहे .

या घटनेमुळे औरंगाबादमधील पैठण तालुक्यासह संपूर्ण औरंगाबाद जिल्ह्यामध्ये चिंताजनक वातावरण निर्माण झाले आहे.  तोंडाळी गावातील शेतवस्तीवर घडलेल्या या भयंकर प्रकारामुळे अवघ्या गावात दहशत पसरली आहे . दरम्यान घटनास्थळी पोलीस दाखल झाले असून पुढील तपास केला जात आहे . सूत्रांनी दिलेल्या प्राथमिक माहितीनुसार , दरोडेखोरांनी येथील वस्तीची लूट केली . तसेच येथील दोन महिलांवर सामुहिक बलात्कारदेखील केला आहे . याप्रकरणी गुन्हा नोंदवण्याची प्रक्रिया सुरु आहे . दरम्यान या दोन्ही महिलांना वैद्यकीय तपासणीसाठी रुग्णालयात नेण्यात आले आहे . भाजपच्या सभापती अणुराधा चव्हाण यांनी या घटनेचा तिव्र निषेध केला आहे.

SHARE THIS

Author:

खबरबात™ (Khabarbat™) हे मराठी माध्यमातील लोकप्रिय वेबपोर्टल आहे. ताज्या बातम्यांसह डिजिटल अपडेट, राजकीय, सामाजिक, पर्यावरण, रोजगार, बिझनेस बातम्या दिल्या जातात. भारत सरकारच्या माहिती व प्रसारण खात्याच्या डिजिटल मीडिया विभागाकडे Intermediary Guidelines and Digital Media Ethics Code) Rules 2021 नुसार नोंदणीकृत आहे.