१३ जुलै २०२१
चंद्रपूर : लष्कर कुटुंबातील सहा जणांचा मृत्यू
चंद्रपूर/ प्रतिनिधी
दुर्गापूर येथे जनरेटर गॅसच्या गळतीने एकाच कुटुंबातील सहा जणांचा मृत्यू झाल्याची घटना मंगळवारी सकाळी घडली.
दुर्गापूर परिसरातील वीजपुरवठा खंडित झाल्याने विजेसाठी जनरेटर सुरू केले होते. अशातच हे कुटुंब झोपी गेले आणि गॅस गळती होऊन मोठी दुर्घटना घडली. हा प्रकार दिसताच शेजारी राहणारे लोकांनी आरडाओरड केली. जनरेटरमधील गॅस गळतीमुळे एकाच कुटुंबातील सहा जणांचा मृत्यू झाला.
मृतांमध्ये एका आठ वर्षाच्या मुलासहीत १४ वर्षीय मुलीचाही समावेश आहे.
दूर्गापुर येथील कंत्राटदार रमेश लष्कर यांच्यासहीत कुटुंबातील सहा जणांचा जनरेटरमधील गॅस गळतीमुळे मृत्यु झाला. मृतांमध्ये अजय लष्कर (२१), रमेश लष्कर (४५), लखन लष्कर (१०), कृष्णा लष्कर (८), पूजा लष्कर (१४), माधुरी लष्कर (२०) यांचा समावेश आहे. दहा दिवसांपूर्वी या कुटुंबात विवाह झाला होता.
घटनेची माहिती कळताच दुर्गापूर पोलिसांची चमू घटनास्थळी दाखल झाली. पुढील तपास सुरू आहे.
खबरबात
भारत सरकारने फेब्रुवारी 2021 पासून अधिसूचित केलेल्या नव्या माहिती तंत्रज्ञान (मध्यस्थ मार्गदर्शक सूचना आणि डिजिटल माध्यमांसाठीची आचार संहिता) नियम 2021 अंतर्गत असलेल्या डिजिटल माध्यमांसाठीच्या आचार संहितेचे आम्ही पालन करतो. तरीही एखाद्या बातमीविषयी आपली तक्रार असल्यास आमच्या वेब माध्यमचे तक्रार निवारण अधिकारी आणि स्वनियमन संस्थेकडे विहित नमुन्यात अर्ज करू शकता. आपल्या तक्रारीचे निराकरण केले जाईल.
- प्रकाशक
ईमेल [email protected]
[email protected]
