वेशांतर करून पोलिस आयुक्त पोहोचले ठाण्यात; पोलिसांच्या वागणुकीचा घेतला अनुभव - KhabarBat™

Breaking

KhabarBat™

kavyashilp™ Digital Media •Reg• MH20D0050703

०७ मे २०२१

वेशांतर करून पोलिस आयुक्त पोहोचले ठाण्यात; पोलिसांच्या वागणुकीचा घेतला अनुभव




पिंपरी चिंचवडचे पोलीस आयुक्त कृष्ण प्रकाश यांनी आज वेषांतर करत लॉकडाऊनमध्ये पोलिसांच्या कामगिरीचा आढावा घेतला. त्यांनी वृद्ध मुस्लिम व्यक्तीचा वेष परिधान करत वाकड, हिंजवडी आणि पिंपरीमध्ये पाहणी केली. मियाची बिवी म्हणून सहायक आयुक्त प्रेरणा कट्टे या देखील वेशांतर करून त्यांच्यासोबत होत्या. यामध्ये त्यांना वाकड आणि हिंजवडी पोलिसांचे काम समाधानकारक वाटले, तर पिंपरी पोलीस स्टेशन काहीसे गंभीर नसल्याचे निरीक्षण त्यांनी नोंदवले.

पोलीस आयुक्त कृष्ण प्रकाश जमालखान पठाण बनले होते. दाढी लावून, डोक्यावर लालसर रंगाचा केसांचा विग घातला आणि सलवार, कुर्ता आणि तोंडावर मास्कही होता. तर मियाची बिवी म्हणून सहायक आयुक्त प्रेरणा कट्टे या देखील वेशांतर करून त्यांच्यासोबत होत्या. हे मुस्लिम दाम्पत्य खासगी टॅक्सी करून रात्री सव्वा बाराच्या सुमारास पिंपरी पोलीस ठाण्यात आले. पोलीस कर्मचारी नेहमीप्रमाणे ठाण्यात बसले होते, मध्यरात्री एक मुस्लिम दाम्पत्य तक्रार देण्यासाठी ठाण्यात आले.




पोलिसाने तक्रार घेण्यास टाळाटाळ करीत उडवाउडवीची उत्तरे दिले, मात्र काही वेळातच संबंधित पोलीस कर्मचाऱ्याची चांगलीच भंबेरी उडाली. कारणही दस्तुरखुद्द पोलीस आयुक्तच तक्रारदार म्हणून पोलीस ठाण्यात आल्याचं त्यांना समजलं. त्या पोलीस दाम्पत्याला तिथेही सामान्यांसारखाच अनुभव आला. त्यानंतर हे दाम्पत्य रात्री दीडच्या सुमारास हिंजवडी पोलीस स्टेशन आणि नंतर दोन वाजता वाकड ठाण्यात गेलं. पिंपरी पोलीस ठाण्याचा त्यांना फार वाईट अनुभव आला.