अनिरुद्ध वनकर यांना आमदार करण्यावरून मंत्र्यांची नाराजी - KhabarBat™

Breaking

KhabarBat™

kavyashilp™ Digital Media •Reg• MH20D0050703

०३ डिसेंबर २०२०

अनिरुद्ध वनकर यांना आमदार करण्यावरून मंत्र्यांची नाराजी




अनिरुद्ध वनकर यांनी चंद्रपूर विधानसभेची निवडणूक दोनदा लढविली. त्यांनी बहुजन वंचित आघाडी पक्षाच्या तिकिटावर हे निवडणूक लढविली होती बहुजन वंचित आघाडी मुळेच काँग्रेस पक्षाला मागील विधानसभा निवडणुकीमध्ये मोठ्याप्रमाणात मताधिक्य कमी पडले यांच्या बहुजन वंचित आघाडीतील उमेदवाराला काँग्रेसने तिकीट देऊन आमदार करणे किती योग्य आहे, असा सवाल उर्जा मंत्री नितीन राऊत यांनी केलेला आहे.


अनिरुद्ध वनकर यांना काँग्रेसतर्फे राज्यपाल नियुक्त कोट्यातून विधानपरिषदेची उमेदवारी देण्यावरुन पक्षाच्या बैठकीत वाद झाल्याचं वृत्त आहे. अनिरुद्ध वनकर यांनी वंचित बहुजन आघाडीतून काँग्रेस विरोधात निवडणूक लढवली होती, त्यांना उमेदवारी देताना पक्षात विचारणा झाली नाही, मत जाणून घेतले नाही, असा आक्षेप नितीन राऊत यांच्याकडून घेण्यात आला. काँग्रेसमधील अनुसूचित जमाती वर्गातील नेत्याला विधानपरिषदेवर संधी द्यायला हवी होती, मात्रत्याऐवजी वनकरांना उमेदवारी दिल्याची तक्रार हायकमांडकडे करण्यात आली होती.