सेल्फी काढण्याच्या नादात गेला दोन युवकांचा जीव - KhabarBat™

Breaking

KhabarBat™

kavyashilp™ Digital Media •Reg• MH20D0050703

०५ जुलै २०२०

सेल्फी काढण्याच्या नादात गेला दोन युवकांचा जीव


कारंजा घाडगे:
आज दिनांक ५/७/२०२० ला दुपारी ३'३० चे दरम्यान उमरी येथील पाच युवक गुरुपौर्णिमेच्या निमित्त्याने पूजा करण्यासाठी धावसा हेटी येथील दुर्गा देवी मंदिरात पूजा करण्यासाठी गेले होते पूजा आटोपल्यानंतर धवसा गावाला लागून असलेल्या पाझर तलावा जवळ सेल्फी काढण्याकरिता तलावाच्या काठावर पाचही युवक गेले त्यातील मृतक तेजस राजेश चोपडे वय १५ व हर्षल संजय चौधरी वय १६ हे सेल्फी काढण्याकरिता तलावाच्या काठावर उभे झाले परंतु सेल्फी फोटो चांगले निघावेत याकरिता थोडे मागे सरकले तेव्हा ते तलावात जाऊन पडले तलावाच्या काठावर उमरी गावाला पाणी पुरवठा करणारी विहीर आहे
 उन्हाळ्यात तलावाला कमी पाणी असल्याने विहिरीत पाणी जात नव्हते म्हणून तलावाजवळून विहिरीत पाणी जाण्यासाठी जी शी पी च्या साह्याने खोल नाली काढून विहिरीत पाणी नेण्यात आले होते.


त्यामुळे तेथे मोठा खड्डा होता तरुणांना त्याची माहिती नव्हती नालीच्या खड्ड्यात अंदाजे८ ते १० फूट पाणी असल्याने गावकऱ्यांनी सांगितले मृतक युवकांना पोहणे नसल्याने खड्ड्यात पडल्यावर त्यांना आपला जीव गमवावा लागला घटना घडल्यानंतर सोबत असलेले तीन मित्रांनी आरडाओरड केल्याने रस्त्याने जाणाऱ्या शेतकऱ्यांच्या ही बाब लक्षात आली त्यानंतर संपूर्ण परिसरात ही बाब माहित झाल्यावर कारंजा पोलिसांना पाचारण करण्यात आले ५'३० चे दरम्यान दोन्ही मूर्त कांचा मृतदेह मच्छिमारांच्या साह्याने बाहेर काढण्यात आला