नागपूर शहरातील काही वीज देयक भरणा केंद्र सुरु - KhabarBat™

Breaking

KhabarBat™

kavyashilp™ Digital Media •Reg• MH20D0050703

नागपूर शहरातील काही वीज देयक भरणा केंद्र सुरु

नागपूर ग्रामीणमधील वीज देयक भरणा ...
नागपूर(खबरबात):
कोरोना साथ रोगाच्या पार्श्ववभूमीवर नागपूर शहरात मार्च-२०२० पासून बंद करण्यात आलेले महावितरणचे वीज भरणा केंद्र शहरातील भागात काही ठिकाणी सुरु करण्यात आल्याची माहिती नागपूर शहर मंडळ कार्यालयाचे अधीक्षक अभियंतादिलीप दोडके यांनी दिली आहे.
सुरुवातीच्या टप्प्यात महावितरणकडून काँग्रेस नगर विभागातील ३० वीज बिल भरणा केंद्र सुरु करण्यात आले आहे. शहरातील उर्वरित भागात टप्याटप्यात वीज बिल भरणा केंद्र सुरु करण्यात येतील.
कोरोना साथ रोगाच्या पार्श्ववभूमीवर याचा फैलाव होऊ नये यासाठी राज्यातील सर्व वीज भरणा केंद्र महावितरणने मार्च-२०२० पासून बंद केले होते. महावितरणच्या वीज भरणा केंद्रावर दररोज वीज ग्राहक मोठया प्रमाणात देयकाची रक्कम भरण्यासाठी गर्दी करतात. यातून संसर्ग पसरू नये यासाठी खबरदारीचा उपाय म्हणून महावितरणने सर्व वीज भरणा केंद्र बंद केली होती.
वीज ग्राहकांना देयकाची रक्कम भरण्यास अडचण होत असल्याची बाब महावितरणकडून नागपूर महानगर पालिकेस अवगत करून देण्यात आली होती. महानगर पालिकेने कंटेनमेंट झोन वगळता शहरात वीज देयक भरणा केंद्र सुरु करण्याची परवानगी महावितरणला दिली आहे. यानुसार दिनांक २८ मे २०२० पासून केंद्र शासन आणि राज्य शासनाकडून वेळोवेळी निर्देशित केलेल्या मानकांचे पालन करून वीज देयक भरणा केंद्र सुरु करण्याची रीतसर परवानगी दिली आहे. यानुसार येथे वीज ग्राहक आपल्या वीज देयकाची रक्कम भरू शकतील.
महावितरणकडून सध्या छापील देयकाची प्रत वितरित करणे बंद केले आहे. यामुळे वीज ग्राहकांनी आपल्या मोबाईलवर आलेला एसएमएस वीज बिल भरणा केंद्रावर दाखवून देयकाची रक्कम भरण्याचे महावितरणकडून सांगण्यात आले.
वीज देयक भरणा केंद्रावर सोशल डिस्टन्सचे पालन होईल याची खबरदारी घ्यावी तसेच स्वच्छतेच्या अनुषंगाने सर्व ठिकाणी सॅनिटायझरची व्यवस्था करावी. अश्या सूचना यावेळी महावितरणकडून केंद्र चालकांना देण्यात आल्या आहेत. दिल्या. नागपूर शहरातील वीज ग्राहकांनी सुरु असलेल्या वीज बिल भरणा केंद्रावर जाऊन थकबाकी असलेल्या रकमेचा भरणा करावा असे आवाहन महावितरणकडून करण्यात आले आहे.