परभणीत तीन दिवस संचारबंदीच; रस्त्यावर आढळल्यास कठोर कार्यवाही - KhabarBat™

Breaking

KhabarBat™

kavyashilp™ Digital Media •Reg• MH20D0050703

परभणीत तीन दिवस संचारबंदीच; रस्त्यावर आढळल्यास कठोर कार्यवाही




परभणी /प्रतिनिधी
परभणी महानगर पालीकेच्या हद्दीत कोरोना विषाणूचा प्रादुर्भाव असणारा रुग्ण आढळल्याच्या पार्श्वभूमीवर जिल्हाधिकारी दिपक मुगळीकर यांनी आज रात्री १२ वा. पासून सलग तीन दिवस म्हणजेच १७ ते १९ एप्रिल दरम्यान तीन दिवस संचारबंदी लागू केली आहे.
परभणी मनपा हद्दीत ही संचारबंदी तीन दिवस लागू राहणार आहे. या संचारबंदीत सर्व शासकीय कार्यालया त्याचे कमर््ाचारी त्यांची वाहने सर्व शासकीय वाहने, औषधे दुकाने , शासकीय निवारागृह , कॅम्पमध्ये अन्न धान्य वाटप करणारे प्रतिनिधी व त्याची वाहने अत्यावश्यक सेवेसाठी परवाना घेतेलेली वाहने व व्यक्ती यांना सूट राहणार आहे.या शिवाय इतर कुणी व्यक्ती , रस्त्यावर बाजारात, गल्लीत किंवा घराबाहेर फिरतांना आढळून आल्यास त्यांच्यावर दंडात्मक कार्यवाही करण्यात येईल. शिक्षेस पात्र असलेला अपराध केला ़असल्याचे समजले जाईल व पुढील कार्यवाही केली जाईल. या आदेशाची अमलबजावणी करण्याची जबाबदारी पोलीस अधिक्षक, मनपा आयुक्त, उपविभागीय दंडाधिकारी, सहा.आयुक्त, तालुका दंडाधिकारी यांच्यावर राहील असेही जिल्हाधिकारी मुगळीकर यांनी स्पष्ट केले आहे.