खबरबातचा प्रभाव:स्वस्त धान्य दुकानात सोशल डिस्टनसिंगचा नियम पाळा - KhabarBat™

Breaking

KhabarBat™

kavyashilp™ Digital Media •Reg• MH20D0050703

०५ एप्रिल २०२०

खबरबातचा प्रभाव:स्वस्त धान्य दुकानात सोशल डिस्टनसिंगचा नियम पाळा

पोलीस विभागातर्फे नागरीकांचा बंदोबस्त 
नागपूर: अरूण कराळे:
संचारबंदी आणि लॉक-डाऊनमुळे गरीब सर्वसामान्य नागरिकांवर उपाशी राहण्याची वेळ येऊ नये म्हणून राज्यशासनाने प्राधिकृत स्वस्त धान्य दुकानातून लाभार्थ्यांना त्यांचा प्रत्येक महिन्यात मिळणारे नियमित राशन वाटप सुरू केले आहे .

वाडीतील  काही स्वस्त धान्य दुकानात नागरीकही गर्दी करीत असुन सोशल डिस्टनसिंगचा नियम पाळत नसल्यामुळे संचारबंदीचे उल्लंघन होत असल्याचे दिसून आले .अशा पद्धतीची बातमी खबरबातमध्ये शनिवार ४ एप्रिल रोजी प्रकाशीत होताच वाडी पोलीस स्टेशन तर्फे वाडीतील प्रत्येक वार्डात पोलीस विभाग फिरत आहे . 

दुकानात होत असलेली गर्दी कमी करुन सोशल डिस्टनसिंगचा नियम पाळण्याचे आवाहन पोलीस विभागाकडून करण्यात आले. सरकारी स्वस्त धान्य दुकान असो की भाजीपाला किंवा किराणा दुकाना मध्ये नागरीक गर्दी करीत आहेत . हीच गर्दी कोरोना विषाणूचा फैलाव करण्यासाठी कारणीभूत ठरणार आहे .त्यामुळे नागरीकांनी संचारबंदीचे नियम पाळावे .घरी राहा ,सुरक्षीत राहा , अतिआवश्यक कामासाठीच बाहेर पडा असे आवाहन वाडी पोलीस ठाणेचे वरीष्ठ पोलीस निरीक्षक राजेंद्र पाठक यांनी केले आहे .